Pathian hian thlarau bo chhandam hi avahan ngai pawi mawh em.

Thla li chuang erh awrh chauh ka la awm na chungin kum rei tawh tak awm tawh hian ka inngai tlat nia mawle, tun tum ka china kal chu hnathawk a kal ka nih avang in engtin tak rawngbawl ang i maw ti ka lo in ngaihtuah ve em em laiin, Pathian hian engkim hi a lo rel fel vel vek zel. Ka thawhpuite ringlo hlir an ni, hengte hi Pathianin a ma thu hre turin ka hnenah a rawn hruai zawk alo ni reng mai. chutah hna vang in beijingah kan awm leh chuta ka thawhpui ka chenpui te ringtu reng reng an la awm ngai lo, a chang chuan khawhar thlak ve thin mahse Lalpan a hmangaihte, ama thu hre ve ngei tura a rawn hruai khawm te an lo ni zel si. Lalpa hian thlarau bo chhandam hi ava han ngai pawimawh tehreng em. A thu chu a hun ah pawh hun loah pawh hril turin kawng a rawn hawng awn awn mai alawm.

MAK THIN E LALPA HNATHAWH DAN HI CHU AW!!!!!

Kum nga dawn hnuah Pathianin a nun zia min experience tirna China ah kan let leh hlawl mai chu ania, ka va lawm tehreng em!!!
Blog nise rei tak ka update thei tawh lo, network awm loh chu thuhran nise Blog update na turin hun reng reng a awm thin lo a ni zawk. Rual hlui hote khawnge in awm hlawm le aw???

Masi leh Kumthar Chibai

Masi leh Kumthar chu Isua nen Aw!!!

Papua New Quinea ho tawng chuan kum engzat nge i nih? tih hi "How many Christmas belong to you?" tih ani a, Masi pawh Pathian zarah kan belong ngun tlauh tlauh hle ta mai. Krismas leh Kumthar alo thlen hi chuan ngaihtur nei hlei lo pawh kan lung a leng ve viau tho mai, kan Masi hman tawh hian kan nunah enge thu a sawi thin i ngaihtuah ve ngai em?

He hunpui Krismas leh Kumthar hlim taka hman kan tum lai hian he hun hlim taka hmangve thei lo awmlai veite, thenrual kalta te ngai a tap tlawk tlawk te, harsatna vanga hlim taka hmang ve theilo te leh Chanchintha avanga hmanpui tur mumal pawh neilo hmun khawhar taka awm mek te hi tawngtainaah i hrereng ang u, tun krismas leh kumthar chu hengte tan hian vawikhat tal tawngtai sak nan hmang thei ila ava tha dawn em! i tawngtaina kha an mamawh hle si a.

Krismas kan hman chhan Lal Isua hi hlim takin thinlung thianghlim takin i chawimawi ang u. Kan thinlung hi a duh ber ani si a. Remna Pathian chuan awmpui che u in, in rem theih loh remna thinlung pe che u rawh se, tih hi ka tawngtaina ani e.

Krismas leh Kumthar chu Isua nen ngei Aw! Krismas leh Kumthar chibai vek u le.

engtinnge maw kan tih dawn le?

Kan mizo thalai te nun hi i chhut ve ngai em? chhut chian chet chet in kan hma hun tur hi a thim mup mup hi ani ringawt mai. Hnathawh nachang hrelo, rual elna chang hre bawk silo nu leh pa chawmhlawm nih zak miah bawk silo zah ahneka nu leh pain hah taka an thawhchhuahsa ring a nuamsa taka la hawipir vah vah lah kan tam. Kan mizo tlawmngaihna in an thinlung a khawih chet eih tawh lo, kan mizo danin a ahuam ni pawha inhre tawhlo, thuhriltu te pawhin a an koh ei zawh tawh loh, kan Pathian thu pawh enga tan mah ngai tawhlo ho hi engtin chuan kan ti dawn ni maw? Han ngaihtuah chiang ve mahteh Engtia tih nge thaa i rin? Engtinnge maw kan tih dawn le Awwwwww!

ENGTINNGE ILO TIH VE???

Update ve leh khiah tenggggggggg!

ENGTINNGE I LO TIH VE ???

Amah hretu te chuan an hriatchian em avangin atan chuan engmah ui an neilo. An ruanglak tur pawh awmlo khawpin a tan an nun an lo hlan tawh a, a thente phei chu feia chhun hlumte, hlehral te, kraws a aletling zawnga khenbeh te, lunga denhlum hial ten an awm bawk a, Orissa ah lah amah hrechiangtu mi tamtakin an nunna an chan phah a, chan huam in an la nung zel bawk a, chinaa hrechiangtu te lah chuan, an thianten an thih phaha, mi tamtak an thi leh dam pawh hrelovin sawrkarin ala tan tir tih hrerengchung leh tihduhdahna an tuar phah dawn tih hrereng chungin a hnungzui an la thlang a,a tan hian penkhat pawh hnungtawlh an tum lo. Chutiang khawp a miin an lo hriatchian leh an lo tawrhphah tawh chu i lo hreve tawh ngai em? I hreve tawh ngat anih chuan engtin nge ilo tih ve tawh?
Pilata'n Juda te leh puithiamho te hnenah 'Juda te lal, Isua Krista an tih a hi engtin nge ka tih dawn? a tih kha nangmah i inzawt let ve tawh ngai em? anni chuan an hriatloh avangin kraws ah khengbet rawh an ti a, nang chuan anihna i hretawh a, engtin nge i tih ve le?
Tahpui hawm hawm tham, tawrhpui tlawk tlawk tham, hlimpui ngawih ngawih tham Isua Krista hi engtin nge ilo tih ve tawh???

Masi leh Kumthar chibai

Blog update a va har char2 ve o, tun kumatan kan update ve a,kumtawp alo nih lehnghal der ta mai,2009 happy new year tih tum lai lai in 2010 Newyear tih angai ta a nih hi, anyway Wish you a very very Merry Christmas and a Very very Happy new year vek u aw, Kar hla a leng zawng te leh thiante zawng2 duh sakna sang ber ka hlan mawlh mawlh a che u.

Manipurah chak chara bra/nungai ri bra? kan la ti lauh lauh chu ania khawihah pawh mai hian ringtu te tan chuan tihtur a va tam tak em, chutah tunlai nibiru khawvel thil tawn tur an la sawi chhen bawk nen. Nibiru avangin mi thenkhat an chiai a, lo thleng tak tak ta se, kan thlarau nun hi a him em le? kan chhungkua kan him em tih hi ngaihtuah tham tak aniin ka hria. Tun hunah hian keimahni chauh kan inngaihtuah ahun tawh lo, kan bula ringlotu awmte hi chanchintha kan hrilh hriat ahun tawh khawp mai,Pathianin kan mawhphurhnaa a ruat ani si a, Khawiah pawh awm ila zirlai amo hnathok amaw pawh ni ila Pathianina ka man mawhphurhna tura a min pek chu engemaw kawngzawng tala kan bula mite hnena chanchintha hril hi ani dawn lawm ni?. Pathianin thilpek zawng zawng a hlu ber a fapa Isua krista min pe a, he thilpek hi ama duhzawng tih nan hman theuh i tum ang u,he hun lawmawm ah hian mi pakhat emaw tal chu hmun himah hlan kai tum ila, He Chrismas ah hian midangte tana, engemaw kawngzawng tala i lo tangkai theih nan tawngtaina nen Chrismas leh kumthar chibai ka buk a che u.

welcome to Manipur

Awmna in a zir loh chuan blog update har thei char char thin khop mai. Kan awmna hmuna cafe awmchhun lah kan hman hunin a inhawng thei thin silova, mobile atang lah chun luh theih der thin bawk loh nen Huiha. Anyway Manipur ah pawh imphal la ni pha lo Moirangah kan awm a, mahse khawihmun pawh hi Pathian nen chuan lo nuam thei zel mai. khawi hmun pawh hi Pathianin duh taka a siam ani bawk a, chuvang chuan anawm zia tunah ka sawi dawn lo lo tlawh ve ula in hre mai ang. in lokal huna loktak dil tih angreng etc. hruai kualna tur che u la ngah tawp. chuvang chuan ka lo welcome iam iam top che u. Welcome to Manipur for now.

Ringtu nih hi......

Pathian ringtu nih nawmzia hi ngaihtuah ve ngai em?

Ka theihna zawng zawng leh ka remhriatna zawng zawng ka hman zawh a, innghahtur dang mihringah ka neih tawh loh lai leh ka beidawng em em lai pawn, Pathian in a thiltitheih zia leh engkimtithei anihzia a rawn lantir thin hian min tilawm in Kan Pathian nunzia min hriatchhuah tir veng veng thin.

Ka kawng zawng zawng ping a ka hriat a, kalna tur reng reng ka nei lo amaw ka tih lai pawh a kan Pathian nungin kawng a hawng ngei ang tih rinna leh beiseina ka la nei thei tlat thin te hi a lawm nuam ka ti thin.

Harsatna leh manganna karah pawh, lawmthu sawi theihna thinlung Pathian in min pe thin te hi ava nuam thin em.

Ka lunglen chang te leh ka lungngaih ngawih ngawih lai ten ka bulah awmin, ka lunglenna leh ka lungngaihna min hriatpui ani tih ka hriatna hian min hnemin min tihlim leh veng veng thin.

Thil huphurh em em tihtur ka neih a,ka huphurh em em thin lai pawn ka bulah a awm ani tih hriatna hian huaisenna min pe thin.

Midang te ka en a, ka in khaikhin thin. Mahse Pathian mita ka special zia ka hriatna hian mahni inrintawkna min pe thin a, ava han nuam thin tak em. Ringtu nun chu hlimna hlir... hlimna hlir...

Kan ram ani miauva

Kan ram Mizoram, a hmingte hi ram dang aiin amawi zual bikin ka hre thin. Mizo zawng zawng in a kan ram, vai ram anilo, sap ram ani hek lo, keimahni mizo ram ngei ani. Hmun hrana awm phei chuan, kan tan hlur mai ani. Lunglen chu thuhran nise ,hmangaih awm ngawih ngawih hian a hriat bik thin. Kan ram ani miauva. News thalo kan hriatin rilru ana, atha a awm in ka lawm veng veng.. thin. Kan ram ani miauva.

Amaherawhchu chu a tha lam aiin chhe lam hriattur a tam. Engvangnge niang le?? Tu te mawhphurhna nge ni ta ang?

Baibula mitthi tholeh lar tak lazara Isuan a kaihthawh khan, anung tawh hnu pawn mitthi tuamna atana an hman thin puanin a la intuam a, zalen taka a kalchhuah leh theih nan chuan kha puan kha lakthlak sak angai a, nung mahse a tuamna kha lakthlak anih hma chuan lazara minung kha anihna tak a rawn chhuak thei lo ani. Chuvang chuan Isua khan phelh ula kal tir rawh u ati reng ani. Keimahniah hnawmhnawk min tibuaitu a awm chuan kan nih tur ang kan ni thei thin lo ani.

Kan mizo mipui ve thung te hi han in en ila,tuamtu kan ngah awm mang e aww .. ka ti thin. Eng puanin nge kan intuam ve leh? duhamna, thatchhiatna, in elrelna ......sawitur atam. Keimahni theuhin eng puana tuam nge kan nih kan inhria ang chu.

Hetiang ten tun(thilthalo) a tuam tur hi chuan Pathianin min duan lo asin mole. Tuna thilthalo min tuamtu hi chu setana hnathawh, a bumna mai mai ani. Hnehna chu Krista zara kan ta ani lawm ni? Hawh u !! thilthalo keimahni a min tuam bet tlattu hi phelh ngam ila, nun tak lal Isuan min zirtir angin i nung ang u. Midang sualin a atuam beh tlat te chhanchhuak tur pawh hian hma ila ang u.

Hnehna chu lalpan kan tan a tiam tawh a, Lal Isua rinchhanin i thawk tlang ang u. Lal Isua lalna chu khawi hmun pawh anuam thin.

Kan nunah , kan ramah, kan khawtlangah, kan inchhungah Lal Isua a lal theih nan thilthalo min tuamtu hi paihin, midang thilthalo in a tuam mek, mahni inphelh theilo te pawh i phelh sak ang u. Tichuan kan ram mizoram hi a nuam ngei ngei dawn ani.

Pathianin a mizo te tan a ram min pek, Kan ram ani miauva.

The fern and the bamboo

In chhiar tawh mai thei nachungin athu hian mi a hneh reuh em avangin ka lo dah ve mai mai ani e, in lo hman tangkai ve tak mial in.

Oneday i decided to quit...I quit my job, my relationship, my spirituality,...I wanted to quit my life.

I went to the woods to have one last talk with God.
"God", I said. "Can you give me one reason not to quit?"
His answered surprised me....
" Look around", He said. " Do you see the fern and the bamboo?"
" Yes", I replied.

"When I planted the fern and the bamboo seeds, I took very good care of them . I gave them light, I gave them water. The ferb quickly grew from the earth. Its brialliant green covered the floor. Yet nothing came from the bamboo seed. But i did not quit on the bamboo. Till the fourth year there was nothing from the bamboo seed. I would not quit". "He said. " Then in the fifth year a tiny sprout emerged from the earth. Compared to the fern it was seemingly small and insignificant. But just six months later the bamboo rose to over 100 feet tall. It has spent the five years growing roots. Those root made it strong and gave it what it needed to survive. I would not give any of my creations a challenge it could not handle.

He said to me "Did you know, my child, that all this time you have been struggling, you have actually been growing roots. I would not quit on the bamboo. I will never quit on you. Don't compare yourself to others.

" Your time will come, "God said to me. "You will rise high!"
" How high should i rise?" I asked.
" How high will be the bamboo rise?" He asked in return.
"As high as it can?" I questioned.
"Yes" He said, "Give me glory by rising as high as you can."

I hope these words will help you to see that God will never give up on you.

Never regret a day in your life. Good days give you happiness. Bad days gives you experiences. Both are essential to life. Keep going......

Happiness keeps you sweet,
Trials keep you strong,
Sorrows keep you human,
Failures keep you humble,
Success keeps you glowing,

But only God keeps you going!

In memory of Pi Khuali

Nizan chu ka chhungten kan veng nu pakhat Pi Khuali thih thu min rawn hrilh a, ka rilru a ti kalthui in naupan laite ,rilru in min chhuikir tir nasa hle mai.

Kohhran kan hlim a kan lam a, chutah hlimruih avangin haw theilo tawk te kan awm thin a, a tam zawkte kha hlim rui der, mi tih avanga ti ve tam tak kan awm thin. Khang hun lai khan naupang te mah ni ila, hlim rui der kha chu kan hre ve em em thin a, keini naupang pawn kan hriat chuan puitling tan phei kha chuan hriat loh chi kha alo ni lova, mahse khatiang hunah pawh khan Pi Khuali hian tumah athlahthlam ngai lova, an hlim rui der anih hi tiin a hawsan ngai bawk lova, dawhtheitakin a men pui a, tlaivar changte kha angah ania., tin chumai bakah zanlaiah te maubawk thleng thlengin kawng min zawhpui thul, khang hun lai te kha ka ngaihtuah chhuak a, ka lo tluk loh zia leh a nunah zir tur ka lo ngah zia te min ti hre chhuak a, hei naupang te ka lo zirtir ve nual tawh a, mahse dawhtheihna ka neihloh zia te, a der a nung ka hmuh a ka ngei thin zia te, min ti hrechhuak. Pi Khuali an boral takah hian kan naupan lai huna mi tam tak te( abuaipui thin naupangte) khan kan naupan lai hun kha an ngaihtuah chhuak ve in ka ring.

Tin amaha entawn tlak ka tih em em mai bawk chu, nikum khan ka haw a, cancer avangin cher chhia in a hmel pawh alo danglam khawp mai. mahse a cancer na khan a rilru a tihnual ngai reng reng lova, zan rei tak tak thlengin tawngtai leh zaiin khawlai a la fang zak zak thin, tin biakin inkhawm loh zan aneih ka hre ngai bawk lova, a natna kha chhuanlamah hmangin in khawm loh nan leh a hnathawh thulh nan a hmang ngailo te khan ka nunah nasa takin thu asawi. Tin Mssry te a ngaihven em em bawk a, atheih ang tawkin sum leh pai nen tawngtaina nen a tanpui thin. kan inhre chiang em em lo a, kan awmho tam hek lo mahse ka hriat chu tawngtai mi ani a, Pathian hmangaih ani tih hi ka hrechiang em em ani.

A mithianghlimte thihna chu,
Lalpa ngaih chuan hlu tak ani.

Happy Birthday to me

Tun kum ka Birthday awn awn chu ava han birthday theih ngai ve mawle, ahma ni atangin min lawm sak tan a ahnu feeee ah pawh kan ina chaw rawn ei ten ka birthday dinner maw an la tia, "Happy Birthday to you" tiin hla min la sak sak ve nasa mai a, ni li zet lawm tawh hnu chuan, a lawmawm viau laiin zahthlak lamah pawh akal rum rum tawh mai alawm.

Ka birthday hma niin team in surprise birthday min lo buatsaih sak a, atukah ah tea party neiin kan lawm ve bawk a chumi hnuah dts sikulin min lo lawmsak ve zel bawk nen, chutah kan inah chaw ei khawmna kan nei a, ka birthday dinner amaw an la ti zui a hla min la sak sak tham2 zui a, a nawm dan anuam vak duh loh khawp mai kum tam lamah chuan hehe! Pathian malsawmna vek ani e.

Kan sawi duh chhan ber chu tea party kan neih zan hian kan d sikul leh cambodian d sikul te an lokal ve ve a, tawng pawh chinese mai bakah cambodian tawng a leh tel zel angai a, english nen, vanram hi a ang ka ti, hnam hrang hrang te Pathian hmaa tawng inhre tawna kan awm hun tur hi a nghahhlelh awm khawp mai, leh ringtu te kan vanneihzia min hriatchhuahtir nasa khawp mai, inhre ngai miahlo mah ni ila ringtu kan nih naah unau taka chhungkua anga kan awm mai thei thin te hian alawm vanram min tem lawk tir thin, Krista Isua ah chuan chhungkhat kan ni vek si a. Kan tawngtairual te kha aropui ka ti mi tlemte awm si khan tawng chi sarih chuang hmanga Pathian hnena kan tawngtai ho ham ham te kha ava nuam tak em. Chumai bakah china ka luhtirh tanga ka lo rilruk ve thin leh Pathian hnena ka lo dil ve thin kan dts naupangte nen kan han lawmho thei te kha a ropui ka ti, Lalpa min pek naupangte an ni si a. Tun kum ka birthday chu amakin ava ropui kher em, heng zawng zawng thlen tirtu kan Pathian chungah lawmthu awm mawlh mawlh rawh se. Happy birthday to me heheh!!

Let Him do the rest

Ka update khat lutuk a,update pawh a zahthlak dawn rum rum alawm mawle. Anyway ka blog lo tlawh thin tute, ka update khat chung pawh a in lo la tlawh thin avangin sengkhiu iam iam u. Ka hman ngang lo ani e, huizzzzzz..

In rin loh deuh kan ziak then teh ang. Hei tuntum cina kan kir leh chu abuai theih char char khawp mai, amaherawh chu ka buaina te ka thlir hian Pathian chunga lawmthu sawi mawlh mawlh tur ka nih zia min hriat chhuah tir thin.

Kum hnih chuang china ah ka awm ve tawh chu ania, mahse tawng thu ah erawh chuan hmasawn ahar khawp mai, d school kan siam chungchangah pawh nasa takin ka rilru a pawthniam thin, kan naute ho saptawng kawi khat pawh thiamlo an nia, thawhpui te kutah engkim a dahbik vek theih bawk silo nen, a hminga staff kan nih ve chuan mawhphurhna kan neih ve angai miau bawk sia, mahni mawhphurhna ka tih chinah an hriat thiam loh hlauh avangin staff dang pakhat talin min awmpui angai a, a chang chuan an phurrit mai nia inhriat changte ka nei thin a, rilru beidawn rum rum chang atam khawp mai. Buai nen hah nen setana lah hun remchang a lo melh ker reng bawk nen, thaw ipik chang atam thin khawp mai.

Mahse nikhat chu ka rilrua ka buaizia te ka hahzia te ka ngaihtuah laiin paper pakhat kan thiannu min pek hi ka hmaah a rawn tla hlawl mai a, kan en a,ka chhiar lai ber kher chuan min hneh khawp mai, chumi chu,''Try your best and let God do the rest" Ka buaina hi tla huai hian ka hria a, Pathian hian ka theih bak chu a lo phut reng reng lova, amaherawhchu atana theihtawk ka thawh hi alo duh ani tih min hriat chhuah tirin, engang pawn tawng thiam lo mah ila, tihtura min tih, thuawihtaka ka tih chuan ka Pathian hi alawm ani tih ka hria, ka theih bakah chuan a rawn che dawn ani tih hi ka hrechiang em em bawk ani.

rem leng rawh se

masi ahnai tawh khawp mai hei rilru chuan nghahdan kan lo nei vek awm e. Kumtin masi ah hian remthu leng rawh se hi kan ti ziah a, tun tum chu midang chunga len tir lovin keimah ni ah hian lentir ta ila kan hlawhtling ber awm mang e. Remna leng tura kan duh chuan keimahni hi inenfiah ila,chhungrila kan rem theihloh, kan ei loh deuh kan hmuh achang apianga kan ngeina lo chhuak thin te,tin hun kaltawh a kan chunga thil tisual tute kan theihnghilh theihloh hote kha rilru takin ngaidam ta ila kan hlawkpui ngeiin ka ring. keimahni inen fiah in he krismas lo thleng tur hi hmang theuh ila kan hlawkpui ngei ngei in ka ring ani.

kan chhungkua ah, kan khawtlangah, kan kohhranah khawihah pawh rem len tir tur hian keimah leh nangmah kha a pawimawh ber ani.

Mother teresa thlan.

Hei kan vanneih asiamin kan thlenna bul lawkah Mother Teresa thlan a awm hlauh mai a, hun chep tak karah kan va thlawh ve hram a, duh ang erawh chuan kan en chipchiar thei meuh lova, a chhan chu an khar hun ahnaih tawh avangin, a chanchin te kan chhiar chipchiar hman ta lova, mahse kan awmchhung kha rei emem lo mahse, rilru a khawih khawp mai, tisa mai bakah thlarau tak pawn ahlawk thlak ka ti hle mai.
Ka rilru a thil lo awm daih chu Mother Teresa khan khati khawp a a vahvaihpui kha tunge le? kan tichuan, ngaihtuah poh ngai lovin kan hresa vek awm e. A vahvaihpui,hreawmtamtak a tuar chhan hi ahrechiang a.Keini ve thung hian Lal Isua tan hian enge kan tih ve tawh le? Krawsah kan khengbet nawn reng dawn nge a tuarna hi kan tuarpui ve dawn? Buaipui tham,tahpui tham, thihpui tham Isua alo ni tak zet mai.
Lal Isua hi kan nunah engtinnge kan tih ve dawn le???

[ Aug & September ChanchinThar ]

Rawngbawlpui duhtak,

A mite ensan ngailo kan Pathian hmingin chibai ka buk a che. Min tawngtai puina avanga Pathianin August leh September chhung a min hruai dan kan rawn ziak leh e. I tawngtaina kha athlawn silova.

Yichunah retreatin :-Taiwan D school min lo tlawhtu te leh helai kan kohhran te nen a huhovin, August thlatir khan harbin atanga bus a darkar nga kal velah zankhat riakin retreat kan nei a. Tin kan va kalnaah hian kan beisei phak bakin Pathianin min hruaiin kawng min hawn sak a kan lawm takzet ani.

Open air service:- Yichun kan kalnaah hian kan thlen ni la la in programme neina tura kan ruahhman sa hmun kan pan tlang nghala, tichuan khaw en laiin lawnga te chuangin intihlimna te kan nei a,tichuan tlaiah meipui an chhep na hnuaiah programme kan siam a,team lokal ten drama leh lamte an show a, hei hian abul vela mipui a kokhawm nasa in enge a awmzia tih pawh zawhna kan dawng nasa hle a.(Cina ah hian va hrilh tawp ang hi phalloh ani a,mahse zawhna min zawh erawh chuan duh duhin kan chhang vethei thung ani.)Theih ang angin awmzia te hrialhfiah an ni a, Heng hrilhfiahna kan pek te hi Pathianin a hman kan ringin kan beisei tlat bawk ani.

Bus chhungah Pathian fakna hla nen:- Kan ruahman dan chuan meipui chhepna hnuaiah hian Pathian hla nen a inpawlkhawmna te nei ila kan ti ani a, mahse drama kan show atang ten zawhna kan dawng hnem em a, kan neih leh zel chuan hima kan hriat tak loh avangin haw kawngah bus chhungah neih mai thain kan hria a, tichuan a khua kan pelh hnuin bus chhungah kan nei ta a, kan bus hire na te hi ringtu anni lo nachungin kan neih hnan a, anni pawn nuam an ti ve hle chuan ka hria. Bus chhunga kan han zai dual dual mai chu mizoram chhung khawi amaw a conference kaltur te hi kan angin ka hria anuamin kan hlim tlang khawp mai.

Semester thar kan tan leh ta:- Helai a kan awmdan hi student angin kan awm ani a,kumhnih dawn kan awm tawh a, semester thum lai kan zirzo ve tawh a,kan zir zo tawh te ngaihtuah chuan thiam lutuk tawh awm tak hi kan nia, Mahse an tawng hi a har in hriatreng ahar thin khawp mai,tun semester hi a pali na tur ani in class te pawh kan han tan a, kan zirtirtute pawh an felin a nuam khawp mai. He semester ah hian ka classmate te leh kan zirtirtute hnena enge maw kawng tala chanchintha hrilh hi ka tum ani in ka tawngtaina pakhat pawh ani a, in tawngtainaah min lo hriatsak ve dawn nia.

Thubelh:-Kan pawisa lakna ber atm card ahmantheih loh avangin, kan hawna tur vel ka chhungten bank dang atangin an rawn thawn a. An rawn thawn dawn atangin rilru takin ka zam hle a, Pathian hnenah pawh ka thlen nasa ve chuan ka hria a. Tichuan hlauhthawn ang ngei ngei in guwahati atangin ka account no. an lo tidik lova, ka hriat tirh chuan Pathian hnenah ka vui hle mai. Mahse a chhanna Pathiana atanga ka dawn chu; Rom 8:28. "Tin Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin".tih hi ani a. Ka thatna tur lo chuan engmah ka chungah Lalpa hian atilo ani tih min hriatchian tirin, pawisa ka laktheihloh atanga thlarau lam malsawmna leh tisa lamah pawh malsawmna ka dawn hnemzia te, hemi hmanga thil tam tak min zirtir hnemzia te ka ngaihtuah a, a ropui ka tiin, khatiang kha thleng lo se tuna ka hriatthiam thar tam tak te hi kalo hre dawn reng reng lo alo nia.

Malin ka awm lawng.

Min thlahthlam ngai reng reng lawng e.

Ka mamawh tinreng mai min neihtir a.

A mite tan thiltha reng a ui ngailo.

A sei tawh viau nain kan belh ve leh hram ani e.

Lawmthu sawina:-

Hei Thlakhat chuang kan awmdan tur kan hriat mai rih loh avangin thiante inah kan awm kual ani a,mahse tunah chuan kan in pangngai bawkah let leh tawhin taiwan nu pakhat reilote kan team rawn zawmtu te nen kan awmho a.Min hruaia min thlalhthlam ngailotu leh awmna tur tha tak min pe lehtu Pathian chunga lawmthu awmse.

Sawi tawh ang khan kan atm card ahman theih loh avangin kan buai ve hle mai. Mahse hei thlathum dawn kan la thei tawhlo nachungin Pathianin kan eikhawp baka tam nitin amite hmangin min pe thin.Pathianin hmanruaa ahmang zawng zawngte chungah ka lawm tak zet zet ani. Pathianin nasa takin malsawmna in vur let che u rawh se.Tin hemi atang hian thlarau lam takah pawh ka hlawkpuiin, Pathianin mal min sawm tak meuh meuh ani. rawngbawlpui duhtak te u in tawngtaina rah zel ani e, ka lawm e.

Kan hawnna tur senso min tumsaktu kan hotu te ka lawm lutuk bawk e.

Tawngtaipui na turte:-

1. October thla tawp hian chawlh hmangin haw kan tum ve ani a, Mizoram tlang mai lovin haw kawngah helai kan rawngbawlna chanchinte Y school ah sawi turin hotuten min duh ani a, Tluang taka engkim akal theih nan leh kan thusawite Pathianin ahman ngei turin. Mihring tak chuan an mamawhte kan pe thei dawn der silova.

2. Team angin tuna kan awmna harbinah hian kan ringthara te leh a mamawhte tan dts sikul siam kan tum ve ani a. March thla 2008 hian tan kan tum a, tawngtainaah min lo thlenpui ve dawn nia. (cina ho kha d sikul chungchang hi sawi chhuah awih loh aw, a chhan in hriatthiam kha.)

Tawngtai naa min lo dinpui zel avangin ka lawm lutuk e

Lal tawngtaina

Tunlai chu Lal tawngtaina hi ka ngaihtuah thina,a ropuiin a zahawm ka tikhawp mai.Nidangah chuan hetiang em emin awmzia anei thuk ang tihngaihna ka lo hre thin lova.Engtinnge in ngaih erawh chu ka hre chiah lo nain ka ngaihtuah dan ka rawn tarlang ve mai mai e.

Kan pa van ami,I hming zahawm rawh se:- Ka sawi ve fo thin,mahse zahna tak tak nen ka lo sawi thin em aw te ka tia.

I ram lo thleng rawh se:- keimah ah tan dawn ta se,ka tlin angem le? a ram thlen nan hian ka tling meuh ang maw,keimahah hian daltu,hnawksak tih angah angem le tih ten ka ngaihtuah a.

I duh zawng vana an tih angin lei amin ti rawh se:-Nitin hian vana mi ten an tihngai lo tur tih ka va lo ngah thin em.

Nitin kan eikhawpin chaw min pe ang che:-Ka mamawh bak min pe thin.Nitin ka eikhawp te te in min pe chauh ta se,atuk atana mi tur ngaihtuah in ka buai phili ngawtin ka ring alawm.

Kan chunga thiltisualtute kan ngaidam angin, nang pawhin kan thil tihsual ngaidam ang che:-Sawi ngam tur ka ni ve amawn le,kan chunga thilti sualtute kan ngaihdam avang chauhva kan sualte a ngaihdam chuan,a buaithlak dawn mang e.

Sual tur a thlemnaah min hruai lut suh la,misual lakah chuan min chhandam zawk ang che:-Sual laka min chhandam turin ka tawngtai thin,mahse sual lam pang hawi a thil ti thin zawk tu leh ngaihtuah thin zawktu chu keimah ngei hi ka ni si.

Ramte,thiltihtheihnate, ropuinate, chatuan a i ta ani si a.Amen:-I ta ani si a tichung si hian,keima ta tur hian ka lo awt leh tlat thin.

Keimah ka in en chuan sawi ngam tur reng reng ka lo nilo. Mahse ka tlinna vang nilo,a khawngaihna vang liau liau zawkin ka lo sawi thei ve chauh ani.Hmangaihtu Pathian ani si a.

Kan inpe phal em?

Hmangaihna kut a khawih thlahlel ngawih ngawihte tan hian,an mamawh hmangaihna kut chu kan pe tawh ngai em?

An hma hun atana chhia leh tha thliar hrang thiamlo,an nunkawng a dik ber ti te hnenah hian,engang mi pawh nise, nun kawng dik kawhhmuhtu kan ni ngam angem?

An thil lo tihsual tawh avanga inchhir ngawih ngawihte,mahni pawh inringtawk thei tawh lo khawp a nun beidawng te,Kristaah chuan ngaihdam an nih zia te hriattira an nun dinthar pui leh turin kan hun ka hmang tawh thin em?

Thlamuan ngai ngawih ngawih ,anmahni hmangaih leh ngaihsaktu tur nghak tawp te tan hian an mamawh tak thlamuanna petu ka ni ve thei angem?

Awbbeta awm mek te tan zalenna siamsak tur te;
kan tana tangkaina reng neilo hmangaih turte;
kan chunga lo sual thinte anchhelawh lova malsawm zawk turte;
An thiamlohna a dem mai lova,tanpuia an thatna tura tawngtaisak zawk turin ka hun ka hmang phal em?ka hmang tawh thin em?

Sual thuneihna hnuaia awm mek,chhuah ngaihna hre tawh lo,chhanchhuah ngai ngawih ngawihte hnenah dawhthei tak leh hmangaih tak chungin Kristan an saltanna ata a chhuah tawh tih kan hrilh melh melh peih angem?

Harsatna,manganna,hreawmna ten a tlakbuak avanga kalngaihna hre tawhlo,vanduai in ti ngawih ngawihte tan hian ka hun vawi engzatnge ka hmanral tawh?

Mahni bo intih pawh hrelo khawpa bote tan hian kawng ka kawhhmuh theihnan an mithmuhah Krista mizia chu ka lan tir tawh ngai em?

Hengte ho tanpui tur hian thiamna ka nei lo, kan ti animai thei,mahse thiamna petu leh neitu Isuan engkim a pe thei, hengte tanpui tur hian Isuan ahmang duh reng che.
I duh thlanna kha a nghak mai zawk ani.

Kan in pe phal em le?

Nitin kan ei khawpin..........

July thla laihawl vel atangin kan atm card(pawisa kan lakna ber) ahman theih lova,chetvel ati harsa in abuaithlak duh khawp mai.Chutih karah kan in contract tawp lai vel leh inluah tur kan la neih mai lohlai aniin,heti chhung hian thiantha te inah kan in sawn kual duat lai ani bawk nen,chutah outreach team ten min lo tlawh lai nen a in nang leh zel bawk a,kan neih chhunte ren deuhva hman kan duh tehreng nen chutih ahnekin hmanna tur hlir hi ani ringawt a,rilru ahah in abuai duh hle mai.

Mahse amite ensan ngailo Pathian chuan nitin kan eitur te kan thiante hmangin nghei pawh nei miah lovin min pe a,nidanga ka ei peih loh thinte pawisa aleina han neihloh takah chuan ei a chakawm thin khawp mai.thlir doh doh mai loh chu aleina neih miau siloh chuan tihngaihna aom lo.Lalpa kan atm hi engtik nge a that ang ka mamawh tawh asin,ka ti mawlh mawlh reng mai.

Kan tawngtainaah nitin kan eikhawpin chaw min pe ang che ka ti thin,Pathianin min pek loh ni ala nei ngailo,nitin kan eikhawp bak min pe ziah a,nitin kan eikhawp lek lek min pe ta zel se ka lo va mangang dawn em,tihte ka ngaihtuah a. Tin amalsawmna ka dawn thin te ngaihah ka lo neih zia te min hriatchhuah tir.entirnan kan chaw ei dawn apiangin ka tawngtai a,lawmthu ka sawi thin,mahse ka tawngtai na zawng2 kha ngaiah ka lo neihzia te ka hrechhuak a,nitin a athara thinlung taka lawmthu sawitur ka nih zia te,tin malsawmna ka dawn lo tam ziate,engkim mai hi a malsawmna alo nih zia te ka hre nawn awn awn mai.a mal te tein ziak chhuak dawn ila ava tam dawn em.

Thilthlawnpek ngun takin chhiar theuh la.
Pathianin mihring avur thin kha;
Malin chhiarla,nangma chan mai chu.
Mak tirengin i fak phawt ang -apetu.

Nitin kan nuna malsawmna kan dawnte hi kan chhut ngai em,that vanga dawn tur chu nise a dawnglo tur zing ami ka ni tih ka in hria,mahse nitin a khawngaihna vang liau liau in heng hi ka nunah athleng si,sumin alei theih loh mai bakah,a lei theih zawng zawng te pawh hi Pathian atanga chhuak vek alo ni.

I nun a malsawmna i dawn kha han chhiar ve chhinteh le.

A malsawmna ka dawnte hmuchiang tur hian broke hi ka lo mamawh em ani.

Kan theihna zawn theuhvah aw!!!!!!

Ka nuna ka neihve loh tamtak te ka ngaihtuah a;
Tlem ka tiin Siamtun min va pe tlem bik em,tiin ka vui thin.

Mahse ka thiamve chhun leh ka theihna zawngte,
A hmanna tura ka hman hian.
Siamtu min siam chhan ka ti hlawhtling alo ni.

Kan thiam kan theihna zawn theuhvah;
Kan ram tan,i Tang tlang dial dial ang u.
Kan theihna baka min pui thei tu;
Pathian nung nei kan ni lawm ni,
I tangrualin i harh thar leh teh ang u.

A mite thlahthlam ngai lo Pathian chuan;
A duhzawng ti chunga theihtawp kan chhuah chuan,
Min phatsan ngai der dawn silova.

Kan ram,hmelma pan duhtawka a suasam lai mek hi,
Kan en mai mai dawn em ni,Lal sipai te hi kan zam ang maw?
Krista zarah hnehna kan changtawh kha;
Chu hnehna kan chan tawh chu,i hmang thar leh ang u;

Mi dang tihturah dah mai bik lovin,
Kan theihna zawn theuhvah,rimtak a thawk leh tawngtaiin,
Kan ram tlu chhe mek hi,
Krista nen I tungding leh ang u.