PIPO

Kan thiannu in a min hmelhriattir tan tirh atangin Pipo chu mize danglam tak nei, nimahse, ngainatawm ani tih ka hrenghal. Amah han en chuan that bikna emaw special bikna emaw anei chuang lo, amaherawhchu a zaidamin a nunnem a, midang kian hmasa zel chi ani a, zakzum hle mahse midang bula awm hi nuam ati ve em em thin.

Kan ina arawn awmtirh te kha aw! a zahzum em avangin mi a nel nghal mai lo, thut pawh a rawn thu chhuak ngam ngai lova, mahse awmho ta reng chu mi a rawn nel ve tan a, infiamte nuam a tiin min tihlimtu ber ani thin.

A ngainat awmna em em chu, zaithiamlo teh mah ila ka zai a ngaithla ning ngailo, tawngtaina neih te kha nuam a tive thin a, kan inah inkhawm nise tel loh a hlau ber ber thin, lehkha zir nise lehkhabu en hnai berah atang thei zel a, engpawh ti ila a phur berah atang thei zel thin. Zing thawh leh leng haw a min lo lawm ber tu anih avangin zingthawh leh haw a tinuam thin a, room hrana kan muttir avang erawh chuan a lungawilova kan eitur dah te lo ei zawhvek chang anei thin a, tin mi lo len laia room hrana awmtir bik a duh lo thin a, kan awmhran tir chuan a titau thin a, tin kan awmlai chuan pangpar te hi angaina thei khawp mai, mahse kan awmloh laiin lo tihchhiat a chingthin a buaithlak chang a awm thin.

Awm ho reng duh mah ila, awm hmun nghet nei kan nih loh avangin midang inah a awmna tur kan zawng rilru reng a, an awmhran dawn tak tak meuh chuan a lunglenthlak duh ngei mai. A awmna thar turah ka va hruaia, zakzum ta chu a kilah athu reng mai, a awmna turte an fel avangin ngaihngam takin ka hawsan a, a tukah ka va tlawh leh chu hmuhtur reng2 alo awm tawh lo, an zawhtein a ngeihloh avangin midang inah an dah alo ni a, Pipo in ngeihloh a neih ve ngailoh tehlul nen, tichuan an pek naah ka va kal a, a zahzum em avangin khawi kilah amawni a tawma an lo hmu zo lova, eitur an pek pawn alo chhuak duh silova ka ngaihtuah khawp mai, tichuan a tukah ka va tlawh leh chu kan kova rangtakin ka awm tih hriain arawn tlanchhuak a, thilte a ei a, a awmna te pawn an duat a, hei ngei hi anih hi Pathianin a awmna turta min pek chu ti chungin Pathian hnena lawmthu sawi mawlh mawlh pahin ka hawsan ta a. Pipo mangtha le.

He thu hi ka ziahna chhan chu kan zawhte pipo ka ngaih mai bakah, Pathianin a hnena kan thlen angaihthlak zia tih lannan ka ziak ani a. Awm hmun nghet kan nih loh avangin engtikah emaw chuan midang kutah kan dah hun ala thleng dawn ani tih ka hria, Pathian hnenah zalen taka a awm theihna tur ka dil thin, khawlaiah han chhuah dawn ila thlasikah vur atlak nasat thin avangin a chi silohva, Pathianin ahun takah ka tawngtaina a chhang a, Pathian hian ahnena kan dilte hi thinlung taka kan dil chuan te lua tih anei lo, Pipo pawh zawhte mai mai atilo, a mite dilna a nih avang zawkin awmna ape mai ani.(Miss you Pipo)
Ran,thlarau pawh neilo chungchangah Pathianin kan tawngtaina achhang ania,tawngtaina chhang thin tu Pathian hnen ah thlarau bo tamtak te tan hian i dil zel ang u,kan tawngtaina hi athlawn dawn silo.Tawngtaina chhangtu Pathian ani si a.

STUART LITTLE

He film hi kan en theuh tawhin ka ring a,a thawnthu kal hmangah chuan chhungkua pakhatin sazu pakhat Stuart-a an fa atan an la a,an hlim em em laiin ,Stuart-a chhungte tia invuahin an rawn la a,mahse a chhungte tak a nih leh siloh avangin, a chhungte( amah adopt tu) te zawngin a kir leh a,hlim takin an inhmu khawm leh tih kha ani a.Hemi chanchin kan ziah duhna chhan chu,May ni 5 khan khaw pakhatah "team" te hruaiin kan kal a,heta kan va kalna te hi fahrah enkawlna leh tar chawmna ani a,puih an ngaihna ang anga va pui tura kal kan ni a.

He kan va kalna fahrah leh tar chawmna hi,kohhran leh sorkar tangkawp te din aniin,hemi din tur hian kohhran pawn tan an la nasa in,dodalna pawh an paltlang hnem khawp mai,tin anmahni pawn chawngheiin Pathian an dil a,tar chawmna chu 1986 khan din aniin,fahrah chawmna erawh chu nikum 2006 khan din tan chauh ani a,tunah pawh dodalna an la tawk nasa hle a,achhan chu fahrah an lak te kha ringtu ah an siam zel dawn tih an hriat vang ani.

Tin an fahrah chawmna an enkawl dan hi a dangdai khawp mai,fahrah awm ten chhungkua awmzia an hriat theih nan nu leh pa lem an nei vek a,an nu leh pa atan pawh hian a khua a ringtuten hlawh pawh awm mang lovin an thawk a,tunah hian fahrah 36 awmin chhungkua 6 vel ang an awm a,inkhatah naupang 6 chuang zel om ang an nia a,tin naupang ah hian rualbanlo an awm nual bawk avangin enkawl an hahthlak ve hle ani.Tin naupang te hi kum 18 thleng an awm thei a,an chhuah hnu pawn chhungte an nei anih tih hi an hriattir duh ani bawk ani.

Team anga kan kal hian hnathawh mai bakah naupang theih ang2 in infiampuina kan nei bawk a,tin kohhranin naupang park a hruaichhuah sorkar hnenah min dilpui a, mahse ramdang mi vek kan nih bakah ringtu vek kan nih avangin an phal ta lova.Amaherawh chu hnathawh ho chu min phalsak ve ta hram a,naupangho bula hna han thawh chu nuam kan tikhawp mai.

Kan awm chhung hian naupang ho tihhlim nan " Stuart Little" film kha kan en pui a,an hlimpui kan rin tehlul nen,kan rinloh lam daihin naupang rilruah a tla a,a tawpa chhung kua hlim taka an awm an hmuh khan an rilru ana a,an awt ve a,an tap bang thei lova,kan buai khawp mai.Tawngtai nate kan neih hnuah chuan an tap bang thei ta hram a,a hrilhhaithlak duh angreng khawp mai.

Hetiang annih avang hian enkawl dan pawh hriatthiam ahar a,tawngtai pui an ngai khawp mai.Tin, a enkawltu tur a an dah, American nupa te pawh hi tiang lampanga thiamna bik engmah neilo an nih avangin an zam angreng hle bawk a,tawngtaina-ah in lo hre ve dawn nia.

Ka kraws kawng

Kan lalpan,Kraws a atuarna kawng ka thlir a,keimah min tlan nana atuar zozai te saw engtin tak rul ve ang i maw,keimah lam kahan in en a,a kraws ka putpui ve amaw ka ti chung pawn,chhuantur ava vang kher em.
Ka Lalpa chuan a kraws putpui tur pakhat chauh aneih laiin,kei erawh chu mi tamtakin min zawnpui a.
Cheksawlh,nuihsawh leh vuak atuar laiin kei chu chutiangtawk rengreng lovin thui tak ka kal mek,chumai bakah ka lungngaih changa min hnemtu tur mitamtak min la pe bawk a,ka kut leh keah te rawngtaka khenbehna serte a awm ve heklo,chuti chung chuan ka la phunnawi thin.
Ka kawng zawhah ka tluk loh nan leh ka petek lohnan,a vantirhkoh tamtakten min veng a,min kalpui thin,kawng bumboh laiah te min chawikang thin.ti chung chuan ka kraws put hi a rit tiin ka la vui fo thin.
Mahse ka lalpa tuarna kawng ve thung chu,chhantu aneilo,hnemtu angai mahse tumah an awm silo,vuak,nuihsawh leh thisen chhuak zawihzawihin an nghaisa a,mahse a phunnawi ve lo,ka kraws kawng ve nen a tehkhin chi ani mawlh lo.
Lalpa,tuarna pumpelh na kawng zawng lovin,i tuarna chu tawmpui ve thei tur zawkin min pui la,midangte tana malsawmna thlentu,i hmanraw tangkaiah min hmang ve ang che.

I ding ngam dawn em ni?

Hmangaihtu,kan tana thi a tholeha thinlung chu,
An tana a alo thihsak,amah hre silo hnenah lamah
Nang leh kei min hmangaih emem ang tho in;
Anni pawh Lalpan a hmangaih emem asin,

Hun leh kumte nghahnei lek lovin an liam zel a,
Heng a tlansa, la bo si te chhanchhuakve tur hian
Lalpan a sawm che,
Sawmna hrechunga i theihtawk i tihsi loh chuan,
Nakinah Lalpa hmaah i ding ngam dawn em ni?

The macedonia call

                    Hmanni chu kan thiannu pakhat in athiannu Betty, a rilru hah avangin ka puihtheih ringin a rawn hruai a,a bialpa hi ringtu anih avangin ringtuah alo inlet ve a,chuan tunah an inthen leh sia Pathian pawh hi rin ka duh tawh lo,ni 15 chhung ka tawngtai tawh lova atia,a hma a ka tawngtai pawn min chhang chuang lo atia,tihngaihna avang thin khawp mai tichuan thiam ang tawk chuan kan hnem ve a,tawngtaina te ka neihsak a,tichuan Pathian lehkhabu te a hawh a,ka ziaawm huaimai te ati ve a.

                    Chuan chaw ei turin kan chhuak tlanga,kawngah Pathian thu kan sawi mawlh2 a,Father God kan tih kha kan thiannu pakhat chuan hriain,tunge Father God chu? in hotunu ami,atia betty nen kan nui a, amah lah chuan keimah kha min kawkin in sawiduhloh danah nangmah hi ini chiang mai te chu ala titak deuh deuh va,a bo thei theih thin miah miah khawp mai,Isua tih chiah khan alo hria alo nia,kan han inhrilhfiah chawp a,engatinge father te intih kher? te a la ti zui a,Father anihna chhan te kan inhrilhfiah a,heng tiang te hi kan la nia, chuvang chuan tihtur hi ava han tam tak em.Nitin Pathian hrelovin tamtak an boral mek,Thawktu kan tlem si

Vawh chhunzawm zel

Tunah hian China ram hmun tam tak ah chuan khua a lum tawh hle a.Hmun thenkhat ah phei chuan heat wave te a tleh hial a.Nimahse,hei kan veng ve zawng,a la vawt chun zawm zel a,vur te a la tla reng bawk. Chinese thiante nenMizoram a thlasik lai a,khaw vawt kan tih te kha chu nep tak a ni.