:: Ka Zinkawng ::

Thahnem ngai tak a min tawngtaipui reng tute leh,kan kal tirh atanga min Hruaitu leh heng zawng2 min kal tlang puitu Pathian hnenah ahmasa in lawmthu awm se,hei kum khat chuang chu kan han awm ve ta ani a,china ka kal tirh atanga tun thleng a kan en let hian vuina tur avang hle mai.Pathianin min tir a min hruaiin min thlahthlam loh zia leh a rinawmzia te han ziahve hi ka chak thin a,amaherawh chu tawngkam thiam loh bawk nen tihngaihna ka hre meuh lova.Mahse,hei,kan hotunu in rawn kal thar tur an awm avangin kan experience te ziak turin min rawn ti a chumi azarah hei kan ziak ta teuh mai anih hi ! Tin,capital letter hmanna tur thenkhat ah te ka hmang lo tih ka hria mahse fimkhur vang ani e,min lo hrethiamin,in lo remkhawm chawp mai dawn nia.

China kan pan ni tak hi 24 oct 2005 kha ani a,hemi hma hian china a kaltur inbuatsaih nan thla kua lai 2004 khan siliguri leh kalimpongah kan nei a,in ring pengpawngin kan kal ang chu tih nak alaiin rilru erawh chu azam duh angreng khawp mai,china kan hriatdan techu ringtu te,an chepna ram emem leh an tihduhdahna ram niin kan hria ania, tichuan rilruin chak tak si zam deuh bawk siin,delhi airport atang kan han thleng a,ang ve sawt khawp mai chutah chinese mi kan han hmu a,chinese mi hmuh hrimhrim pawh kha anuam tantawh,saptawng an thiamlo zui,mahse an ram kaltur kan ni tih an hriat avang erawh chuan an felin min ngaihtuah angreng khawp mai,thlawhna chhung kan han lut a rinaiin apui tehchiam lo khawp mai,international anga tan chuan,tin kan thutna hi tukverh bul ani lova,tukverh bula thut ve erawh chu a chakawm khawp mai,ring kan fan uak2 reng mai,mount everest te kan han thlawh pel a,alo var vo mai chu nuamve tak ani.

Tichuan Beijingah kan tum dawn tih an rawn puang a,beijing khawpui hmuh achakawm tawh viau laiin, tukverh bulah kan thu miau bawk silova,kan dak uak2 mai,kan han thleng,china leilung han rah chu anuam dangdai hle mai,tin beijingah hian kan thawhpui pa turin engkim minlo tihfel sak a,tin kan hotel thlenna tur te pawn ahmunah min rawn lam thlap a,harsatna engmah kan tawk lo,tichuan hotel kan han thleng a receptionist te pawn saptawng an thiam vek avangin anuam kan ti hle mai,tichuan kan thawhpuipa tur pawh lo thlengin amahhi midum ani a,chinese tawnga an tawng zuah2 mai chu,mak kan ti khawp mai,lehlam ah erawh chuan ani pawn athiam chuan thiam hun chu ka la neive ang rilruin ka lo ti ve a,chinse tawngzir min ti cho hle mai a.beijing kan awm lai hian tawngah harsatna em em kan la nei lova,kan kalna tur harbin pawh saptawng thiam tur ah kan ngai ngawt hlawm a,tichuan beijingah zankhat riakin atukah harbin kan pan lehnghal a,kan thlen tirh hian kan thawhpui te dawra thawktu te inah kan thleng a,chinese mi 1 awmve nen kan han riak ho chu,saptawng a thiam silo, kut zaizirin kan inbe char2 a,abuaithlak viau nain a hlimawm angreng phian mai!

Tichuan,harbin kan thlen hnu lawk hian an thilsiam pakhat a puak avangin harbin tui tlan ber lui chu rin theih lovin an awm a,tui hi ni 15 chuang kan nghei a,kan awmpui te zarah tlem a zawng chu kan inla khawl ve a,mahse rinaiin a awmlo rei ta si a,tawng thiam loh nen abuaithlak khawp mai,dawrah tui intur pawh kan inchuh ania,inbual te chu khawilam hi ani ringawt,ekna tur poh manganthlak ania,kan awmpuinu pakhat apum adiklova,a e chhen te chu kan melh ram2 tawh mai!


Zanah phei chuan inhnuaiah chhukin,hawi zuk2in kan zung a,tun hnua ngaihtuah leh hian a nuihzatthlak duh khawp mai.Mahse,khanglai hun kha vanneihthlaktakin khaw vawh lai ani hlauhva,ni 15 chuang inbual lo mahila kan fai pal tho mai...hehe,induh leh awih lo rawh u hehe.Chuan kan awmna hi a vawh avangin bathroom(inbualna)an neilo tlangpui a,chuvang chuan public shower ah,man chawiin inbual a ngai thin a,hei hi chu sawi thui a inthlahrun awm khawp mai,kan han kal chu kan zak hawng teh asin,inbualna room hrang2 a awm ang chu tih nak alaiin,room lian pakhatah kan inbual luih2 a,tin engmah thawmhnaw an ha bawk lova,zah mahnak alaiin chupoh underwear kan hak avangin min la en duh zawk zamah leh nghal a,public shower a kan kal hmasak ber ni kha chu ka hawichhuak ngam bawk silova,fai pawn ka inbual hmanlo,kan chhuak vat vat mai.Tun ah chuan indang kan luah tawh a,kan in luahtur zawnah pawh kan ngaihtuah hmasak ber leh kan ngaihpawimawh ber chu bathroom a awm nge awmlo tih ani,tunah chuan faitakin kan in bual thei tawh e,thla 5 dawn public shawer ah kan inbual chungin ngaia neih erawh chu a har khawp mai.Tin, public toilet hi bang indaidanna a awmloh avangin kan inhmu tlang thei vek a,ngaia neih ahar khawp mai bawk!

Kan thlen tirh chuan thil lei kawngah kan buai thin khawp mai bawk,kan thil duh kha achang chuan alem te kan han ziak a,an hriatthiamloh chuan kan zawng char2 a,kan kawk chat zel,Pathianin kut kawhna tur minlo pete hi ahlu teh mai asin,harbin hi saptawngah hian an bo ve khawp mai, keini lahin an tawng kan bo bawk.Vawikhat phei chu restaurant ah kan chawl ve ringawt a,kan duh ang kha kan bula miten han kawh mai turin an ei bawk silova, kan buai khawp mai,kan ei tum chu vawk hnungzang ruh ang chi hi ania,zaizirin kan han sawi pawn an hrethiam thei silova,restaurant nghaktu te hnungzang han chul thlak vel pawn an hrethiam chuang silova eilovin kan haw ringawt mai.

Tin kan university kal hmasak ber ni tak kha,kan zirtirtunu in saptawng thiam bawk silo,blackboarda chinese tawng an ziak mai chu,chhiar ula chuan in hming te in sawi dawn nia atia.Tun hnua ka ngaihtuah hian,inhmelhriattir dan kha aziak ta ber anih ka ring,blackboarda a thil ziah te chu thlalak a thiante leh chhungte thawn mah kan duh laiin,chhiartir min la tum chu ania,a bo theih miah miah khawp mai.Chuan ahnu te kha chuan dictionary te kan lei a,kan ziave ta deuh a,dictionary neih hmasak ber hi alo tangkai khawp dawn ani.

Tichuan kan thlen hian kan team kan zawmte dawrah kan han thawk nghal a,amaherawh chu thlentirh hian enge kan tihtur leh enge kan tih theih chin hi enhmasak a,chuta ngaihdan siam chauh chi chu aniin ka hria,rilru blind lutuka,thil tih nghal ngawt hi athalo ka ti khawp mai.Pathian in min tir anih chuan kan awmdan tur chu min hriattir zelturah ka ngai a,min hriattir zel bawk ani ahunah chuan.Tichuan chinese te nen kan han awmho ralral a,an fel khawp mai awmpui pawh an nuam a,mahse an tawp ve angreng phian a,chumi kawngah chuan hreawmna chin erawh chu a awm a,tin team thar zawm te kan ni a,hemi kawngah hi chuan mi dang te mizia hriatchian phawt a,mahni in siamrem vezel hi atha in a hlawk khawpin ka hria.Mizia inhriat chian lohna hian in remlohna te pawh a tithleng thei a,chuvang chuan kan thawhpui te mizia hriatchian tum hi atha khawpin ka hria.

Tin ka thil kenloh ka inchhir em em chu, lehkha bu leh cassette te hi ania,helaiah chuan inkhawm rengte a theih lova,nun ro chang atam duh khawp mai!Chuta min tiharh thin leh Pathianin min ti tuihnang tura a hmang ber thin chu keimahni tawng ngei a,lehkhabu(infuihna ang chi) chhiarte leh mahni tawng ngei a Pathian hla han ngaithlak te hian aniin ka hria,ka keng tam tawk lova ka inchhir khawp mai.Abikin lehkhabu ka keng tlem a,cassette vel te chu chhungte leh thiante ho a zarah kan nei deuhhlek a,kan cassette ken te pawh kan thiam hnehsawh thei khawp mai,ari ngun bawk a.

Ei leh inlampangah hi chuan harsatna ka nei em em lo, buh pangngai tho ei ve an nih avang hian anuam angreng khawp mai.Mahni ram chawhhmeh ngeite ei chak chang awm mahse,Asian kan nihnaah inanna kan la nei nual a,anuam phian abikin mizo tan phei chuan harsatna awm vakin ka hre lo.

Tin culture thuah chuan hmeichhia hi rinaiin an lal a,thaibawih pawh an tam khawp mai,kan awmna hi ani bik nge pawh ka hrelo mipa insual aiin hmeichhe insual kan hmutam zawk.Tin fa pakhat chauh an neih theih avang hian naupang an dahlal khawp mai,bus chhung ang ah te pawh thutna an ken ber chu tar,raipuar leh naupangte hi an ni .Tin chinese ho hi rinai takin an tlawmngai ve angreng khawp mai,tin hun hi an vawngdik hle bawk ani.

Tin tun tlenga kan la tidik hleih theih loh bawk chu light ''on'' te, tui herhna ''on'' dan te hi ania.Tuna kan awmna hi India nen chuan a letling vek ani mai,kan ''on'' in kan la ''off'' sual pup pup reng mai a ni.Tin, bazar kal hi a hreawm thin angreng bawk khawp mai,chinese ho hi an tawng a ring a,thil man han zawt ila an thinrim ta emaw tihtur hian,min au khum nghek nghek zel a,an dan ve hrim hrim ania,ngaia neih chu ahar angreng khawp mai tawng kan la thiam em em loh bawk nen.


Kan awmna hi a vawh avangin zu an in nasa khawp mai a,tin khawlaiah erawh chuan rui hmuhtur an vang angreng phian bawk sia,amaherawhchu kawngsir ah erawh chuan mihring luak hmuhtur a tam khawp mai,tin khak chhak leh chilchhak chungchangah an fimkhur loin an inthlahdah hle mai bawk a,achang chuan ahreawm thin khawp mai.Kan thingtlang kalna pakhatah phei chuan kan titi mawlh mawlh laiin kan hma zawn taka an han chhak luar thin mai chu anuam vak thin lo khawp mai.

Tin china ka hmuh tum dan leh ka lo ngaihdan thin nen chuan a inang lo khawp mai,ka kal hma a ka ngaihdan chuan sipai rorelna hnuai a awma,hlau ngawih ngawih turah ka ngai a,tin kan thlen tirh pawn vengtu(P) hmuhte khan kan ti duk a,tin vengtu motor ang chi an rik ruairuai hi chuan awm anuam thin lova,khawlai a hmuh pawn kan hlau nghal duk mai ringawt a.Mahse hei kan han awm a,kan awmna hi kan vanneih avangin chulam pangah chuan hlauthawn tur emem erawh chu a awmlo thung a,tin kan awmna hi thawktu kan tlem avang hian rinai takin lehlamah chuan kan zalen phian mai a, amaherawh chu fimkhur erawh chu angai ve tho mai,china theuh theuh pawh hi ain ang lova athenah chuan ringtu nih sawi pawh a him loh laiin kan awmna ah erawh hi chuan,atir khan kan ti na a tunah hi chuan kan sawi pawp pawp tawh mai,ringtu kan nih tih mai bakah pathian thu angte pawh kan sawi bawrh bawrh tawh mai,tin mak bawk chu khawlaiah te hian pathian lehkhabu hi an zuar leh nawlh thin bawk a,keini tak pawh hian kan hrethiam lo,eng chen nge an sawrkar hian an phalloh hi,tin mipui te hi an ti duk anga tih rin nak alaiin tumah hi anmahni dinhmun a lawmlo leh sawrkar chunga lungawilohmel reng reng hi an awm lo bawk a,an sawrkar hi an ti maimai nge chu ka hre lova an chhuang em em ringawt vek mai in ka hria.

A tam ta viau mai,in chhiar peih chen chen in lo chhiar mai dawn nia,khing zawng zawng te khi mahni maiin kan tawk lova,"I hnenah ka awm zel ang" titu kan Pathian nung chuan khawiah pawh min kalpuiin min hruai zel ani.Tin in tawngtaina avangin china sawrkar pawh nasa takin tunah pawh hian a inthlak tawh ani.